"АДАЛ ҰРПАҚ — МӘҢГІЛІК ЕЛДІҢ КЕПІЛІ"

Талшық орта мектебінде «Адал ұрпақ» ерікті мектеп клубының ұйымдастыруымен ZOOM платформасында клуб мүшелерінің қатысуымен «Адал ұрпақ — мәңгілік елдің кепілі» атты тақырыпта дөңгелек үстел ұйымдастырылды.

Өскелең ұрпақ арасында сыбайлас жемқорлыққа қарсы мәдениетті қалыптастыруда "Адал ұрпақ" ерікті мектеп клубының рөлі орасан зор. Оқушыларға жемқорлыққа қарсы әрекет етудің тиімді жолдарын түсіндіру, мектептегі белсенді оқушыларды анықтап оларға қолдау көрсету, сыбайлас жемқорлықтың алдын-алу және болдырмау сонымен қатар тұлғалық мәдениетті қалыптастыру мақсатында өткен дөңгелек үстелді директордың тәрбие ісі жөніндегі орынбасары ашып, іс-шараның маңыздылығына тоқталды. Дөңгелек үстел барысында оқушылар сыбайлас жемқорлықтың қоғам үшін қаншалықты қауіпті екендігі жайында өз ойларын ортаға салды. Оқушылардың назарына жемқорлық жайында арнайы әзірленген бейнероликтер көрсетілді. Іс-шараға қатысушылар тақырып аясында сұрақтар қойып, пікір алмасты

«Адал ұрпақ — мәңгілік ел болашағы» тақырынбында мектебімізде оффлайн сынып сағаттарын өткізілді.

Мақсаты:оқушылардың бойына рухани адамгершілік қасиеттерді ұялату үшін мейірбан, ақылды, шыншыл, қайырымды адамдық асыл қасиеттерді игеруге ықпал ету.

Адамның адамгершілігі — оның жоғары қасиеті. Оның негізгі белгілерінің бірі — өзі үшін ғана емес, ел, қоғам үшін өмір сүру, адамдық ар-намысты ардақтау, әр уақытта жақсылық жасауға дайын болу. «Өзің үшін еңбек қылсаң, дейді Абай, — өзі үшін оттаған хайуанның бірі боласың. «Досыңа достық-қарыз іс, дұшпаныңа әділ бол». Ақылды, мейірімді адам әруақытта өзгенің жақсылығын бағалағыш келеді. Арлы адам — ардақты адам. Арымыз таза болса, тарихымыз да таза.

Мектебіміздің "Адал ұрпақ" ерікті клубының жұмыс жоспарына сәйкес оқушылар арасында "АДАЛДЫҚ АРДЫҢ — ІСІ" тақырыбында сурет байқауы өткізілді.

Байқаудың мақсаты — өсіп келе жатқан жас ұрпақтың бойына еңбек, адалдық қасиеттерін қалыптастыру.